Դավթաշեն վարչական շրջանում 5 բարդի և 24 թեղի հատելու համար երկու ամսով կալանավորված Ա. Ս.-ն, որը քիչ առաջ ազատ արձակվեց, արդեն տանն է: Ա. Ս-ի փաստաբան Արմեն Մելքոնյանը Aravot.am-ին հայտնեց, որ միջնորդություն էին ներկայացրել գլխավոր դատախազին խափանման միջոցը փոփոխելու վերաբերյալ.
«Մեր միջնորդությունը բավարարվեց, իմ պաշտպանյալն այս պահին արդեն իր տանն է, շնորհակալ ենք բոլոր նրանց, որոնք աջակցել են, որ ազատ արձակվի»:
Ըստ փաստաբանի` խափանման միջոցը փոխվել է չհեռանալու մասին ստորագրությամբ:
Պարոն Մելքոնյանն ասաց, որ այս գործով սպասում են փորձագետի եզրակացությանը. «Կստանանք փորձագետի եզրակացությունը, նոր կկարողանանք կարծիք հայտնել»:
Կարդացեք նաև
Հիշեցնենք, որ Ա.Ս-ն կալանավորվել էր ապրիլի 15-ին երկու ամսով:
Արփինե ՍԻՄՈՆՅԱՆ
