Ամերիկյան Freedom House հասարակական կազմակերպությունը կազմել է աշխարհում մամուլի ազատությունների 2017թ. զեկույցը, որում Հայաստանը համարվել է «ոչ ազատ»՝ հայտնվելով 137-րդ հորիզոնականում:
100 միավորանոց սանդղակով Հայաստանում մամուլի ազատությունը գնահատվել է 63 միավոր: Նախորդ տարվա համեմատությամբ այդ ցուցանիշը չի փոխվել: Երկրների վերաբերյալ ամբողջական զեկույցները կազմակերպության կայքում դեռ հասանելի չեն:
Տարածաշրջանի երկրներից մասամբ ազատ է համարվել Վրաստանը՝ հայտնվելով 50-րդ հորիզոնականում: Իրանը և Ադրբեջանը դասվել են ոչ ազատ մամուլ ունեցող երկրների շարքում՝ կիսելով 190-րդ հորիզոնականը: Նույն կատեգորիայում է հայտնվել նաև Ռուսաստանը:
Լիարժեք ազատ են համարվել վարկանիշային աղյուսակում տեղ գտած 147 երկրներից 19-ը: 62 երկրում մամուլը համարվել է մասնակի ազատ, 66 երկրներում՝ ոչ ազատ:
Կարդացեք նաև
Զեկույցի հեղինակները նշում են, որ մամուլի ազատության ոլորտում իրավիճակն անկում է ապրել: Դա նրանք պայմանավորում են ԱՄՆ-ում Դոնալդ Թրամփի նախագահությամբ: Զեկույցում նշվում է, որ ԱՄՆ նոր նախագահը խորշում է որոշ ԶԼՄ-ներից և անհարգալից վերաբերմունք է դրսևորում մամուլի ազատության ամերիկյան արժեքների նկատմամբ:
Պատրաստեց՝ Վիկտորյա ԱՆԴՐԵԱՍՅԱՆԸ
խնդամ վրեքներդ 😀 😀