Մարդու մաշկի ու լորձաթաղանթի վրա միշտ էլ ախտածին մանրէներ ու սնկեր են լինում, սակայն մեկի մոտ դրանք կարող են հիվանդություն հրահրել, իսկ մյուսի մոտ՝ ոչ։ Վարակի աղբյուրը հիվանդ մարդն է կամ կենդանին։ Վարակվում են հիվանդի հետ անմիջական շփման, սնկիկներով վարակված զանազան առարկաների, ինչպես նաեւ բանջարեղենի միջոցով։
Ժողովրդական բազում միջոցներից կարելի է առանձնացնել մի քանի պարզ միջոցներ.
1. 20 գրամ սամիթի սերմն այրել, մի քիչ կարագ խառնել եւ քսել մաշկի եւ ոտքերի սնկերը բուժելու համար:
2. 30 գրամ ծխաբույսը աղալ, խառնել մի փոքր աղ եւ վարդի յուղ: Խառնուրդը քսել սնկերին:
3. 3 ճաշի գդալ մանրացրած սամիթը լցնել 1 բաժակ տաք ջրի մեջ, եռացնել էմալապատ փակ ամանում 15 րոպե, քամել եւ օգտագործել արտաքին թրջոցների համար:
4. Վերցնել 1 ճաշի գդալ մանուշակի խոտը, լցնել 1 բաժակ տաք ջրի մեջ, տաքացնել 15 րոպե էմալապատ ամանում, թողնել 30 րոպե, քամել եւ օգտագործել արտաքին թրջոցների համար:
5. Արտաքին օգտագործման համար կիտրոնի հյութը հանել եւ թրջոցների ձեւով դնել սնկերի վրա` այն բուժելու նպատակով:
6. 2 ճաշի գդալ մանրացրած բարդու տերեւները լցնել 1 բաժակ տաք ջրի մեջ, տաքացնել թույլ կրակի վրա 5 րոպե, թողնել 1 ժամ, քամել եւ օգտագործել թրջոցների ձեւով՝ սնկային հիվանդության բուժման համար:
7. Փիփերթն աղալ, մի փոքր աղով շաղախել եւ քսել սնկերին:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ»
27,04.2017
