«Երևան քաղաքի տրանսպորտը այդպես բարդ համակարգ չէ, որ ֆինանսական մեծ վերլուծություններ անենք»,- ապրիլի 27-ին «Մեդիա կենտրոնում» լրագրողների հետ հանդիպման ընթացքում ասաց «Երկիր Ծիրանի» կուսակցության համակիր Խաչատուր Խաչատրյանը:
Նա աբսուրդ է համարում բիզնես նկատառումներից ելնելով տրանսպորտի գինը բարձրացնելը: Ըստ նրա, քաղաքապետարանը պետք է հարցին մոտենա հանրության շահերի տեսանկյունից: Խաչատուր Խաչատրյանի կարծիքով՝ էլեկտրոնային համակարգը վաղուց արդեն պետք է ներդրված լիներ:
Նա հավելեց. «Վերևից, երբ որ տրվում է լիցենզիա, նրանք պետք է հաշվի առնեն, թե երթուղային տաքսիները իրար ինչքանով են խանգարում, ինչքանով է նպաստում: Եվ հետո նայեք վարորդների վիճակին՝ կեղտոտ եղունգներով, անթրաշ, «նակոլկեքով», անքուն, քրտնահոտով: Վարորդը առանց սափրվելու պետք է դուրս չգա, պետք է լինի «դուշեվոյ», հանգստի սենյակ: Սա մարդկանց կյանքերի հետ կապված գործ է՝ 7-10 տեղանոցում լցվում է 20 հոգի, ինչ 7-ին տանես կործանման, ինչ 20-ի՞ն: Հիմա այդ մարդը անքուն է, իր երկու կոպեկ աշխատելու համար 10 ժամի տեղը 12 ժամ է աշխատում, սրանք բոլորը խնդիրներ են»:
Ըստ Խաչատուր Խաչատրյանի՝ պահանջվում է մարդկային մոտեցում, հարգանք, հոգատարություն. «Եթե լինի ցանկություն, նպատակասլացություն, բոլորովին դժվար չէ հավաքել մասնագետներ, ստեղծել խումբ, հանձնարարել աշխատանքներ»:
Կարդացեք նաև
Ամի ՉԻՉԱԿՅԱՆ
Լուսանկարը՝ «Մեդիա» կենտրոնի
