Ստորև ներկայացնում ենք «Հայոց ցեղասպանությունը վրաց պարբերական մամուլում 1914-1918 թթ» գրքի հերթական` 10-րդ հատվածը: Այս մասում տեղ են գտել «Վրաստան», «Ժողովրդական թերթիկ» եւ «Հայրենիք» վրացալեզու թերթերում, 1915 թվականի օգոստոս-սեպտեմբեր ամիսներին հրապարակված հոդվածների հայերեն տարբերակները:
Վրաստան 1915/08/18 #71
Թալեաթ Բեյի լավատեսությունը
Օսմանյան կայսրության ներքին գործերի նախարարը «Բեռլիներ թագեբլատ»-ի թղթակցին ասել է. «Մեր ռազմական և քաղաքական իրավիճակն այնպիսին է, որ բուլղարա-օսմանական համաձայնությունը տեղի ունեցած ամենալավ իրողությունն է»:
Նախարարը հրաժարվել է Ռումինիայի վերաբերյալ տեղեկություններ հայտնել, իսկ հայերի մասին Թալեաթ Բեյն ասել է. «Հայ հեղափոխականների հետապնդման մեջ որևէ զանցանք չկա, պարզապես ակտիվ ենք գործում: Հայերի կողմից լքված տարածքները կբնակեցնենք օսմանցիներով»:
Վրաստան 1915/10/23 #124
Կարդացեք նաև
Հայկական հարցին բավականին կոշտ են վերաբերում ինչպես Օսմանյան կայսրությունում, այնպես էլ Գերմանիայում: Ահա, օրինակ ինչ է երգում Թալեաթ բեյը. «Կփորձեմ 40 տարով գոնե ջնջել հայերի բարեփոխումների մասին հարցը… Հայերը կեղտոտ և զզվելի ազգ են: Նրանց ոչնչացմամբ որևէ մեկը որևէ բան չի կորցնի»: Այս մասին գրում են նույնիսկ գերմանական ազատական թերթերը: «Հայկական հարցը անգլիացիների կողմից չափազանցված է, արհեստական ստեղծված, որպեսզի խառնվեն Օսմանյան կայսրության ներքին գործերին: Անգլիայի փողը և Անգլիայի կողմից հրահրումից իրենք օգուտ են ստանում այն, որ հայ ազգը կնստի մեղադրյալի աթոռին և դարի դավաճանի անուն կկրի: Բնական է, որ նման պայմաններում օսմանցիները պիտի լինեն հայերի թշնամիները: Այդ պատճառով, չենք էլ զարմացել, որ ասում են թե Անատոլիայի անկիրթ ժողովուրդը և մոլեռանդ հոգևորականները հայերին կոտորում են»:
Նյութի մանրամասները կարդացեք aliq.ge–ի կայքում
Ի՞նչ կապ ունի ձեր դրած մազոխիստական վերնագիրը տպագրված հատվածի հետ…
Դա մեր դրած վերնագիրը չէ, այլ հենց սկզբնաղբյուր կայքի: Եվ մեջբերեցինք նաեւ այն հատվածը, որում կա այդ արտահայտությունը: