Պատասխանելով այն հարցին, թե ինչո՞վ է պատրաստվում զբաղվել պատգամավորական մանդատը կորցնելուց հետո՝ ՀՀԿ խմբակցության պատգամավոր Առաքել Մովսիսյանն ասել է. «արեք թողեք էսի իմ մեջ, մեծ բեռ հելավ իմ վրից»։
«ՉԻ» – Փաստորեն պատգամավորական մանդատը մեծ բեռ է եղել Շմայսի համար, ու նա այդ բեռան տակ մտել է բացառապես ազգին ծառայելու նպատակով։ Ավելին՝ միշտ կատաղի պայքար է մղել, որ հենց ինքը ծառայի ազգին, ու նույնիսկ այդ նպատակով սեփական գրպանից հսկայական գումարներ է ծախսել։
Այո, ամբողջ աշխարհում պետությունն է վճարում մարդկանց՝ «ազգին ծառայելու» համար, իսկ մեզանում ազգի ծառաներն իրենք են վճարում։ Բայց ցանկացած տառապանք ու անձնազոհություն իր վախճանն ունի, իսկ հասարակությանը մնում է միայն թեթեւացած շունչ քաշել, որ ազգի հոգսը վերջապես ընկավ Շմայսի վտիտ ուսերից։ Տարոսը մյուս նվիրյալներին։
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
