«Ադոնցի փողոցում, որտեղ ապրում եմ, ամեն գարնանը բերում ծառ են տնկում, բայց բարի եղեք ջրել, մեղք են այդ ծառերը…Եթե ավագանին ջրեց, կասեմ՝ հարգանք, եթե չջրեց՝ ի՞նչ ասեմ»,-«Հայելի» մամուլի ակումբում այսօր անդրադառնալով Երեւանի ավագանու եւ քաղաքապետի սպասվելիք ընտրություններին՝ ասաց գրականագետ Դավիթ Գասպարյանը:
Նա նշեց, որ երրորդ հարկում գտնվող իր տնից դույլերով ջուր է կրում՝ ծառերը ջրելու. «Ամեն տարի փոս եք փորում, բերեք ջրեք էլի»:
Գրականագետը նաեւ դժգոհեց, որ Երեւանի կենտրոնի փողոցների սալապատումն արդեն մաշված է. «Քարերը թռած են, ինչո՞ւ չեն մաքրում: Քաղաքը տնից մաքուր պետք է լինի»:
Կարդացեք նաև
Ի զարմանս լրագրողների, Դավիթ Գասպարյանն ասաց, որ իրեն հիացնում է Երեւանի կառուցապատումը: «Հնացածը՝ «քըխ»-ը, հնից տարբերեք: Հինը սրբազան մասունք է: Հինը տարբերեք հնացածից»,-կոչ արեց նա:
Ճարտարապետ Գուրգեն Մուշեղյանն էլ ընդգծեց, որ հինը քանդել, համարակալել եւ այլ վայրում վերակառուցելը ճիշտ չէ:
Ճարտարապետ Մկրտիչ Մինասյանն էլ դժվարացավ մատնանշել ներկայիս ավագանու կազմում ընդգրկված մի արվեստագետի, որը վերջին չորս տարում որեւէ խնդրի լուծում է տվել: Նաեւ ասաց, որ «մոլ»-երը հին Երեւան չեն կարող համարվել:
Այլ մանրամասները՝ տեսանյութում:
Լուիզա ՍՈՒՔԻԱՍՅԱՆ
