Այսօր Գագիկ Ծառուկյանն իր թիմակիցների հետ Ծիծեռնակաբերդում էր:
Լրագրողները նրանից հետաքրքրվեցին՝ այս անգամ Ազգային ժողով գալո՞ւ եք, թե՞ էլի բացակայելու եք: Նա պատասխանեց. «Բայց ես ե՞րբ եմ բացակայել: Աշխատանքի եմ: Կգա ժամանակը՝ կտեսնեք»:
Նապոլեոն Ազիզյանի հետ կապված հարցին ի պատասխան՝ Գագիկ Ծառուկյանն ասաց, որ նա հիմա բուժման մեջ է. «Ամեն ինչ նորմալ է, պռոստո, որ դուք այդքան չանհանգստանաք, մարդկանց թյուրիմացության մեջ չդնեք, դուք երեւի իրա հարցազրույցները կարդացել եք»:
Հարցին՝ կանխատեսո՞ւմ էիք, որ ԱԺ ընտրություններին նման արդյունք պետք է լինի՝ Գագիկ Ծառուկյանը պատասխանեց. «Մենք կանխատեսում էինք, որ շատ լավ արդյունքներ պետք է լինի, քանի որ մենք ներկայացրել ենք մեր ծրագիրը, առաջարկը, մոտեցումը, բայց ես առանձնապես, իմ ժողովրդի ցավը տանեմ, ե՛ւ ձայն տվողներից եմ գոհ, եւ չտվողներից: Ամեն մարդ ինքն է իր ճակատագիրը որոշում, իր ապագան: Ես ասել եմ՝ իմ ժողովրդի կողքին կանգնած եմ»:
Կարդացեք նաև
Հարցին՝ բայց գո՞հ եք՝ նա պատասխանեց. «Ինչ տվել են՝ դա է»:
Հռիփսիմե ՋԵԲԵՋՅԱՆ
