Այսօր Գագիկ Ծառուկյանը Ծիծեռնակաբերդ էր եկել ԲՀԿ պատգամավորների, «Ծառուկյան» դաշինքի թիմի անդամների հետ: Նա ծաղկեպսակ դրեց եւ գլուխ խոնարհեց զոհերի հիշատակին:
Լրագրողների հետ զրույցում Գագիկ Ծառուկյանը քաղաքական որոշ հարցերի անդրադարձավ:
Նա նախ ասաց, որ պիտի այնպիսի պետություն ստեղծենք, տնտեսությունը հզորացնենք, զարգացնենք, պայման ու հնարավորություն ստեղծենք, որ ամբողջ սփյուռքը գա հայրենիք:
Կարդացեք նաև
Լրագրողները հետաքրքրվեցին՝ «Ծառուկյան» դաշինքի պատգամավորների ցուցակն արդեն պատրա՞ստ է, գիտե՞ն ով է գնալու խորհրդարան՝ նա պատասխանեց. «Բայց դուք խի եք այդքան անհանգստացած: Ամենակարեւորը՝ իմ թիմը անհանգստացած չի: Բոլորն էլ գիտեն՝ բոլորն իմ թիմակիցն են, բոլորին էլ շատ հարգում եմ, ամեն մեկից, բոլորից էլ շատ շնորհակալ եմ, բոլորն իրենց աշխատանքները կատարում են»:
Լրագրողների դիտարկմանը՝ ասում են՝ սթրեսի մեջ են ձեր թիմակիցները, չգիտեն՝ ով է անցնելու, ով՝ չէ՝ Գագիկ Ծառուկյանը ծիծաղեց եւ պատասխանեց. «Սթրեսի մեջ լրագրողներն են, ձեր ցավը տանեմ, իրանք շատ հանգիստ իրանց տեղը գիտեն»:
Հռիփսիմե ՋԵԲԵՋՅԱՆ
