Աֆղանստանում ռազմաբազայի վրա հարձակման հետևանքով հայ խաղաղապահներ չեն տուժել: Այս մասին Facebook-ի իր էջում գրել է ՀՀ պաշտպանության նախարարարի մամուլի խոսնակ Արծրուն Հովհաննիսյանը:
«Մազարի Շարիֆի բազաներից մեկի վրա կատարված հարձակումից հայ խաղաղապահներից որևէ մեկը չի տուժել։ Նրանք շարունակում են կատարել իրենց ծառայությունը այլ բազայում»,- գրել է նա:
Աֆղանստանի պաշտպանության նախարարությունը հաստատել է, որ երկրի հյուսիսում՝ Բալխ նահանգում, թալիբների կողմից ռազմաբազայի վրա հարձակման հետևանքով զոհվել և վիրավորվել է ավելի քան 100 մարդ: Հաղորդագրության մեջ նշվում է, որ հարձակման ընթացքում զինվորականների մեծ մասը մասնակցում էր ուրբաթօրյա աղոթքի:
Կարդացեք նաև
Տեղի ԶԼՄ-ների տվյալներով՝ զոհերի թիվն արդեն կարող է հասնել 130-ի:
Պատրաստեց՝ Վիկտորյա ԱՆԴՐԵԱՍՅԱՆԸ
