Ներկայացնում ենք հատված ՀՀԿ խոսնակ Էդուարդ Շարմազանովի հետ հարցազրույցից.
– Իսկ ընդունո՞ւմ եք, որ 114 տնօրենների եւ «ՍԱՍ»-ի ձայնագրություններն անընդունելի երեւույթներ են, որի համար ձեզ քննադատեցին։
– Ես որակումներ չեմ տալիս։ Խնդիրն իրավական տիրույթում է։ Մեզ 20 տարի է՝ քննադատում են, կարծում եմ՝ դեռ 20 տարի էլ կքննադատեն։ Ես քննադատությունից չեմ վախենում։ Խնդիրը գտնվում է իրավական տիրույթում, ես նման պրակտիկա չունեմ՝ քիթս խոթեմ դրա մեջ եւ գնահատականներ հնչեցնեմ։
– Այդուհանդերձ, ՀՀԿ-ն ինչ-որ հետեւություններ արե՞ց, որ բացառի Երեւանի ընտրություններում նման երեւույթների կրկնությունը։
Կարդացեք նաև
– Մենք այս նիստին առաջին հարցով քննարկել ենք ընտրությունների ընթացքը եւ արդյունքները։ Դրա մեջ մտնում է ամեն ինչ՝ ե՛ւ պլյուսները, ե՛ւ մինուսները։ Շատ բան ենք քննարկել, այդ թվում՝ նաեւ այդ ձայնագրությունները։ ՀՀԿ-ի հետ կապվող ցանկացած հրապարակային երեւույթ, որը կա նաեւ մամուլում, չի կարող մեզ մոտ չքննարկվել։
– Եվ ի՞նչ հետեւություն եք արել։
– Հետեւությունը կանի իրավապահ մարմինը։
Վահե ՄԱԿԱՐՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
