Գերմանիայի Բադեն-Բադեն քաղաքում ընթացող շախմատի «GRENKE Chess Classic» գերմրցաշարում Լևոն Արոնյանն այսօր նոր հաջողության հասավ: Հայաստանի լավագույն գրոսմայստերը պարտության մատնեց Չինաստանի ուժեղագույն կին շախմատիստ Հոու Յիֆանին: Սա Արոնյանի չորրորդ անընդմեջ հաղթանակն է այս մրցաշարում:
Վեց հնարավորից վաստակելով 5,0 միավոր՝ Արոնյանն անհասանելի դարձավ ու մրցաշարի ավարտից մեկ տուր առաջ նվաճեց հաղթողի տիտղոսը:
Աշոտ ՀԱԿՈԲՅԱՆ
