Այսօր, ինչպես տեղեկացրել ենք, Մարդու իրավունքների պաշտպան Արման Թաթոյանի ասուլիսի ժամանակ միջադեպ եղավ:
Նրա սեղանին, նաեւ ՄԻՊ-ի գրասենյակի մուտքի մոտ փակցվեցին «ՀՀԿ իրավունքների պաշտպան» գրություններ:
Այս առնչությամբ հարցին` Մարդու իրավունքների ոչ մի պաշտպան այդպիսի տիտղոսի չի արժանացել, ինչպե՞ս եք դա մեկնաբանում՝ Արման Թաթոյանը պատասխանեց. «Ինձ համար նշանակություն չունի կուսակցություն, մարդկանց խումբ: Ես ընտրվել եմ երկրի խորհրդարանի կողմից՝ ամենալայն լեգիտիմությամբ, դա ինձ հնարավորություն տվեց այսօր լինել շատ խիստ իմ գնահատականներում: Հետեւողական եմ լինելու մինչեւ վերջ, ուզում է ՀՀԿ լինի, ուզում է ցանկացած կուսակցություն: Այն, որ ՀՀԿ-ն ինձ առաջադրել է, ոչ մի նշանակություն չունի: Ես ընտրվել եմ, աշխատում եմ ու ես ինքս այս ինստիտուտը, ինձ տանում եմ ինքնավարկաբեկման, որ սկսեմ կուսակցական շահե՞ր պաշտպանեմ: Բացառվո՛ւմ է նման բան»:
Նա ասաց, որ երբ ինքը քաղհասարակությունից նկատողություն, քննադատություն է ստանում, պետական մարմինների համար դառնում է գրավիչ՝ քննադատության համար:
Կարդացեք նաև
Հռիփսիմե ՋԵԲԵՋՅԱՆ
