ՀՀ պաշտպանության նախարարությունում այսօր լրագրողների հետ հանդիպմանը նախարար Վիգեն Սարգսյանն անդրադարձավ որոշ սպաների բողոքներին, թե մինչ օրս իրենց հասանելիք բնակարանները չեն ստացել եւ կոռուպցիոն գործողությունների հաշվին՝ իրենց հերթից առաջ ընկնողներ են եղել:
Ըստ Վիգեն Սարգսյանի՝ լինում են դեպքեր, երբ բացառիկ իրավիճակները հաշվի առնելով՝ հերթագրման մեջ տեղաշարժեր են լինում. «Չունենք հերթագրման մեջ մարդիկ, որոնք մեր սրտին ավելի հարազատ են…Սպան պետք է վստահ լինի, որ իր իրավունքները պաշտպանված են»:
Նախարարի խոսքով՝ կոռուպցիոն ռիսկերի պարագայում մեղավորները պատժվելու են: Սակայն Վիգեն Սարգսյանը չի կարծում, որ սպաների՝բնակարաններ ստանալու հերթը չի հասել կոռուպցիոն ռիսկերի պատճառով. «Պարզապես որոշ տարիներին բնակարաններ կառուցելու համար բավարար ներդրումներ չեն արվել»:
Նախարարը նաեւ հայտնեց, որ այս պահին ՊՆ-ում ծառայող 1200 սպաներ, որոնք բնակվում են ՊՆ ծառայողական բնակֆոնդում, չունեն այդ բնակարանների հանդեպ սեփականաշնորհման իրավունք. «Առաջիկայում շատ արագ իրականացնելու ենք այդ աշխատանքը: Կարծում եմ՝ մինչեւ տարեվերջ այդ բնակարանների կեսը կսեփականաշնորհվի»:
Կարդացեք նաև
Այլ մանրամասները՝ տեսանյութում
Լուիզա ՍՈՒՔԻԱՍՅԱՆ
