Բադեն-Բադեն քաղաքում ընթացող շախմատի «GRENKE Chess Classic» գերմրցաշարի ութ մասնակիցները երեկ խաղատախտակների առջեւ հանդիպեցին հինգերորդ տուրում:
Սպիտակ խաղաքարերով հանդես եկող Հայաստանի լավագույն շախմատիստ Լեւոն Արոնյանի մրցակիցը Ադրբեջանի դրոշի ներքո հանդես եկող գրոսմայստեր Արկադի Նայդիչն էր: Ողջ պարտիայի ընթացքում ադրբեջանցին մեծ ջանքեր գործադրեց Արոնյանի պարտադրած ծանր կացությունից դուրս գալու համար, սակայն համոզվելով, որ դա ուժերից վեր է, ի վերջո ընդունեց իր պարտությունը:
Լեւոն Արոնյանը հինգ հնարավորից վաստակելով 4,0 միավոր՝ շարունակում է միանձնյա գլխավորել մրցաշարային աղյուսակը: Հայ շախմատիստը մեկ միավոր առաջ է մի խումբ շախմատիստներից, որոնց մեջ է նաեւ աշխարհի չեմպիոն Մագնուս Կարլսենը:
ԱՇՈՏ ՀԱԿՈԲՅԱՆ
Կարդացեք նաև
«Առավոտ»
21,04.2017
