Իրանի նախկին նախագահ Մահմուդ Ահմադինեժադին չի թույլատրվել գրանցվել որպես նախագահական ընտրությունների թեկնածու: Այս մասին հաղորդում է Reuters-ը:
Որպես նախագահական ընտրապայքարի թեկնածու գրանցվել է գործող նախագահ Հասան Ռուհանին, ինչպես նաև կոշտ գծի կողմնակից Էբրահիմ Ռաիսին:
Ավելի վաղ հաղորդվում էր, որ Ահմադինեժադը ընտրություններին մասնակցելու համար փաստաթղթեր է ներկայացրել: Նշվում էր, որ այդ քայլը գնահատվում է որպես երկրի գերագույն հոգևոր առաջնորդ Ալի Խամենեիի դեմ ուղղված մարտահրավեր, քանի որ վերջինս դեմ էր նախկին նախագահի մասնակցությանը:
Նախագահի թեկնածուների գրանցումը սկսվել է երկուշաբթի՝ ապրիլի 10-ին: Ընտրությունները տեղի կունենան մայիսի 19-ին:
Կարդացեք նաև
Մահմուդ Ահմադինեժադն Իրանի նախագահ է եղել 2005-2013թթ.: Նա վարում էր պահպանողական և հակաամերիկյան կոշտ քաղաքականություն, հանդես էր գալիս Ռուսաստանի և արաբական երկրների հետ կապերի ամրապնդման օգտին:
Իրանի սահմանադրությամբ միևնույն նախագահը չի կարող մեկ ժամկետից ավել ղեկավարել, 2013թ. Ահմադինեժադին փոխարինել է Հասան Ռուհանին:
Պատրաստեց՝ Վիկտորյա ԱՆԴՐԵԱՍՅԱՆԸ
