Մայիսի 14-ին կայանալիք Երևանի ավագանու ընտրություններին Հանրապետական կուսակցության համամասնական 25 հոգանոց ցուցակի 8-րդ համարը զբաղեցնում է արվեստագիտության դոկտոր, պրոֆեսոր, ՀՀ արվեստի վաստակավոր գործիչ, ՀՀ ԳԱԱ Արվեստի ինստիտուտի տնօրենի տեղակալ Աննա Ասատրյանը:
Aravot.am-ը նրանից հետաքրքրվեց` ո՞րն է պատճառը, որ ընդգրկվել է ՀՀԿ ցուցակում, արդյոք դրան նպաստե՞լ է իր դրվատանքով լի հոդվածը Տարոն Մարգարյանի վերաբերյալ, որը բավականին աղմուկ էր հանել ու քննարկվել:
«Ես գործող ավագանի եմ, հոդվածն այդտեղ կապ չունի, եւ իմ` ցուցակում լինելու մեջ տարօրինակ ոչինչ չկա, բոլոր ավագանիներն էլ կրկնվում են»,-ասաց Աննա Ասատրյանը:
Մեր պնդմանը` ավագանու ոչ բոլոր անդամներն են շարունակում իրենց գործունությունը, ինչպես, օրինակ` Հրանտ Թոխատյանն ու Հայկ Դեմոյանը, Աննա Ասատրյանը պատասխանեց. «Նրանք չեն շարունակում, որովհետեւ բացակայելու են երկրից»:
Կարդացեք նաև
Հիշեցնենք, որ իր «Մայրաքաղաքի երաժշտական կյանքի առաջընթացի հարցերը` Երեւանի քաղաքապետի ամենօրյա հոգատարության առարկա» խորագրով գիտական հոդվածում Աննա Ասատրյանը Տարոն Մարգարյանի մասին մասնավորապես գրել էր. «Նա պաշտոնն ընկալում է ոչ թե որպես վայելք, ինքնահաստատման միջոց, այլ սեփական ժողովրդին` տվյալ դեպքում` երեւանցուն ծառայելու հնարավորություն»:
Գոհար ՀԱԿՈԲՅԱՆ
Լուսանկարը՚ womennet.am կայքից:
Ես կցանկանայի, որ հստակեցվի «գիտնական» հասկացողության շեմը: Թող ինձ ներեն բոլոր արվեստագետները, բայց արվեստագիտության դոկտորն ինչ գիտնական, կամ ինչ հիմունքներով է շնորհվում այս դոկտորական աստիճանն ընդհանրապես??? Մյուս կողմից, արվեստագետ հասկացուղությունն արդեն ասում է, որ տվյալ մասնագետի կարողությունների շրջանակն արվեսի ոլորտն է, չի կարող չէ լինել օրինակ ժողովրդական կամ ռաբիս երգի դոկտոր???
Արա Կիրակոսյան, արվեստաբանն ու արվեստագետը տարբեր բաներ են։ Աննա Ասատրյանն արվեստաբան է, այսինքն՝ արվեստի տեսության, պատմության մասնագետ, տվյալ դեպքում՝ երաժշտագետ։ Ուրիշ բան, որ Տարոն Մարգարյանին գովաբանող այս տիկնոջ հոդվածը գիտությունից կիլոմետրերով հեռու է։