Այսօր Կ. Դեմիրճյանի անվան մարզահամերգային համալիրում «Ազգ-բանակ 2017» համաժողովի մեկնարկին ՀՀԿ-ից պատգամավոր ընտրված գեներալ Մանվել Գրիգորյանը կարճ զրույց ունեցավ լրագրողների հետ:
-Նոր խորհրդարանում լինելո՞ւ եք, մանդատը վերցնելո՞ւ եք:
-Դու ուզո՞ւմ ես, որ ես լինեմ, եթե ուզում ես, ասա՝ սրտիդ ուզածով անենք…սպասեք՝ կերեւա…
-Գո՞հ եք ընտրությունների արդյունքներից:
Կարդացեք նաև
-Էդ ընտրությունները ո՞րն ա, չի պրծե՞լ հլը:
Մանվել Գրիգորյանը նաեւ ասաց, որ այս ընտրություններն իր համար նորություն էին, անգամ շփոթվել է. «Մի քանի անգամ բռնին մատնահետքս ստուգին, բան արին…Լիչնի իմ հմար արդար ու մաքուր ընտրություններ են եղել: Հարուր ձեւի քննեցին-զննեցին»:
Լրագրողը փորձեց ճշտել՝ «այսինքն, ձեզ դուր չեկա՞վ», ինչին ի պատասխան Մանվել Գրիգորյանը նրան ասաց. «Դու լավ կլյաուզնիկ կլինեիր»:
Այլ մանրամասները՝ տեսանյութում
Լուիզա ՍՈՒՔԻԱՍՅԱՆ
