Ապրիլի 19-ին ԵՊՀ գիտական խորհրդի նիստերի դահլիճում տեղի ունեցավ միջազգային գիտաժողով՝« Համալսարանի միջազգայնացում՝ ռազմավարություն և որակի ապահովում» թեմայով: Գիտաժողովի ընթացքում Հայաստանի, Բելառուսի, Վրաստանի և Ուկրաինայի գործընկերները խոսեցին ծրագրի ընթացքում ձեռք բերված արդյունքների և առաջիկա ծրագրերի մասին:
«Տեմպուս» ծրագրի գերնպատակն է նպաստել Արևելյան գործընկերության երկրների բուհերի միջազգայնացմանը: « Տեմպուսը» Եվրոպական Միության ծրագիր է՝ ուղղված բարձրագույնկրթությանհամակարգի արդիականացմանը: Այս նախագծին որպես հիմնական գործընկերներ մասնակցում են բուհեր Հայաստանից, Ուկրաինայից, Վրաստանից և Բելառուսից:
«Ծրագրի հիմնական նպատակն է նպաստել մշակութային զարգացմանը և արժևորել միջազգային հեռանկարները»,-ասաց Ալեքսանդր Մարկարովը:
«Այս ծրագրի շրջանակում հնարավոր է ուսանողների և դասավանդողների փոխանակում՝ ըստ կրեդիտային համակարգի համատեղելիության»,- նշեց Արթուր Ղազարյանը: Այս կերպ հնարավոր է վերջիններիսմոտ զարգացնել նոր հմտություններ,- հավելեց նա:
Կարդացեք նաև
«Ծրագրի առջև դրված խնդիրներից է նաև միջազգային բաղադրիչը ներդնել համալսարանականների դասավանդման, ուսումնամեթոդական և գիտական գործառույթներում՝ համապատասխան ռազմավարությունների ու գործընթացների մշակման և իրականացման հիման վրա»-, ասացԱլեքսանդր Մարկարովը:
Հանդիպման ավարտին Բելգիայի Լյովենի համալսարանի պրոֆեսոր Մ. Յորիսըներկայացրեց ծրագրի շրջանակում մշակված ձեռնարկը:
Անուշ ԳԱՍՊԱՐՅԱՆ
