«Չի բացառվում, որ սահմանադրական փոփոխությունների հանրաքվեից հետո կտեսնենք այլ Թուրքիա՝ Մերձավոր Արեւելքում ավելի հավակնոտ ծրագրերով եւ անկանխատեսելի վարքագծով»,-«Հայելի» մամուլի ակումբում այսօր անդրադառնալով Թուրքիայում կիրակի կայացած սահմանադրական փոփոխությունների հանրաքվեին՝ ասաց արաբագետ Սարգիս Գրիգորյանը:
Նա նկատեց՝ պատահական չէ, որ Թուրքիայի քրդաբնակ շրջանները հիմնականում դեմ են քվեարկել. «Թուրքիան ակտիվ աշխատանք կտանի քրդերի հետ եւ ակտիվ ռազմական գործողություններ՝ այն կառույցների դեմ, որոնք չեն կիսելու Էրդողանի քաղաքականությունը: Խոսքը մասնավորապես Քուրդիստանի աշխատավորական կուսակցության մասին է»:
Կարդացեք նաև
Էրդողանի «նոր Թուրքիան», ըստ արաբագետի, չի գնա ԱՄՆ-ի եւ ՌԴ-ի հետ հարաբերություններում կտրուկ փոփոխությունների, թեեւ որոշակի հստակություններ կլինեն. «Թուրքիան չլուծված խնդիրներ ունի իր ներսում եւ հարակից տարածաշրջանում, իսկ ԱՄՆ-ի կամ ՌԴ-ի հետ հարաբերությունների վատթարացումը կաշխատի ի վնաս իր ծրագրերի»:
Այլ մանրամասները՝ տեսանյութում:
Լուիզա ՍՈՒՔԻԱՍՅԱՆ
