Ստամբուլի մի քանի թաղամասերի բնակիչներ բողոքի ակցիա են անցկացրել երկրում տեղի ունեցած սահմանադրական հանրաքվեի արդյունքների դեմ, որով ներկա նախագահ Ռեջեբ Թայիփ Էրդողանը ստացել է աննախադեպ լիազորություններ: Ինչպես հաղորդում է BBC-ն, նրանք պատուհաններից աղմկել են, հարվածել թավաներին:
Նման ակցիաներ նկատվել են քաղաքի առնվազն 4 թաղամասերում: Ոչ մեծ թվով ցուցարարներ նաև փողոց են դուրս եկել:
Հիշեցնենք, Թուրքիայում քվեաթերթիկների 99 տոկոսի հաշվարկի արդյունքում սահմանադրական փոփոխություններին կողմ են քվեարկել բնակչության 51.35, իսկ դեմ՝ 48.65 տոկոսը:
Թուրքիայի երեք խոշորագույն քաղաքները, այդ թվում՝ Ստամբուլը, ըստ նախնական տվյալների, դեմ են արտահայտվել սահմանադրական փոփոխություններին:
Կարդացեք նաև
Կիրակի տեղի ունեցած հանրաքվեի արդյունքում Թուրքիան կառավարման խորհրդարանական կարգից անցում կկատարի նախագահականի: Էրդողանի համախոհներն ասում են, որ դա կօգնի մոդեռնիզացնել երկիրը, մինչդեռ ընդդիմադիրները մտավախություն ունեն, որ դրանով միայն կաճի ավտորիտարիզմը:
Պատրաստեց՝ Վիկտորյա ԱՆԴՐԵԱՍՅԱՆԸ
