Ապրիլի 14-ին «Հենարան» ակումբում Զատկի և ծիսական կերակուրների մասին խոսեց բանահավաք Սոնիա Թաշչյանը:
«Զատիկը ողջ քրիստոնյա աշխարհի համար ամենագեղեցիկ և սպասված տոնն է: Այն բացի տոն լինելուց՝ հավատքի, լույսի, Աստծուն մոտենալու օր է»,- ասաց Սոնիա Թաշչյանը:
Նաեւ հավելեց. «Զատկին ամեն երկրի քրիստոնյա պատրաստվում է տարբեր կերպ: Սակայն որքան էլ տարբեր են կերակուր պատրաստելու ձևերը՝ բաղադրիչները հիմնականում մնում են նույնը՝ հավկիթ, ձուկ , կանաչի, չամիչով փլավ»:
Նրա կարծիքով, տոնական սեղանին նոր շունչ կհաղորդի նաեւ խաշած լոբին՝ կանաչիով:
Կարդացեք նաև
«Բացի կերակրատեսակներից, կարևոր է տան մաքրությունն ու զարդարանքը: Սեղանի գլխավոր բաղադրիչը պետք է լինի վառվող մոմը: Կարող է լինել ցանված ցորեն՝ պատված կարմիր հավկիթներով, զարդարված ճյուղեր»,- ավելացրեց Սոնիա Թաշչյանը:
Վերջինիս խոսքերով. «Տոնական հավկիթը պետք է ներկել միայն կարմիր գույնով: Մյուս գույները ոչ միայն սխալ են, այլև վտանգավոր առողջությանը…Այդ ամենից զատ, երբեք չպետք է մոռանալ, որ ամենահամեղ սնունդը հոգևոր սնունդն է»:
Նունե ԱՍԼԱՆՅԱՆ
Լուսանկարը՝ Սոնիա Թաշչյանի ֆեյսբուքյան էջից
