Քանդակագործ Ֆերդինանտ Առաքելյանը Aravot.am-ի հետ զրույցում կարեւորում է Երեւանի քաղաքապետի` երեւանցի լինելու պարագան: «Եթե մարդը երեւանցի չլինի, քաղաքն ի ՞նչ կիմանա: Քաղաքը ավանդույթներ ունի, երեւանցին է դա իմանում: Իսկ ամենակարեւորն այն է, որ քաղաքը շատ բարդ մեխանիզմ է, քաղաքը որքան գետնի վրա է, այդքան էլ գետնի տակ է, գիտակ մարդիկ պետք է քաղաքապետ մարդիկ լինեն, թե չէ պատահական մարդիկ նստում են, դրա համար էլ այս վիճակում ենք հայտնվել»,- ասում է արվեստագետը:
Մեր հարցին` ձեր ասածից ստացվում է, որ ով երեւանցի չէ, չի՞ կարող հավակնել Երեւանի քաղաքապետ լինելուն, Ֆերդինանտ Առաքելյանը պատասխանում է. «Կարող է հավակնել, բայց ամեն դեպքում, լավ կլինի, որ երեւանցի լինի: Դա նույնն է, որ քաղաքի մարդը գնա գյուղ ու ղեկավարի, երբ գյուղից տեղյակ չի: Այդպես ոնց կլինի՞…Գնա տանձի ծառի տակ նստի, չիմանա ինչ ծառ է: Քաղաքը քաղաքաշինության նախագիծ պետք է ունենա, աշխարհագրական-տնտեսական աճ, բնապահպանական խնդիրներ կան, քամիները որտեղից են գալիս, ուր են գնում, էդ բոլորից անտեղյակ մարդը չի կարող քաղաքի հարցերը լուծել, տարիներ շարունակ այդպես է եղել»:
Գոհար ՀԱԿՈԲՅԱՆ
