«Էրդողանն, ըստ էության, սանձել է Թուրքիան: Անգամ բանակն է դադարել լինել ուժային կարեւոր կենտրոն: Էրդողանի տրամաչափին համապատասխանող քաղաքական գործիչ Թուրքիայում չկա»,-Aravot.am-ի հետ զրույցում անդրադառնալով Թուրքիայում սպասվելիք հանրաքվեին, ասաց թուրքագետ Ռուբեն Սաֆրաստյանը:
Հիշեցնենք, որ այս կիրակի՝ ապրիլի 16-ին, Թուրքիայում կայանալու է սահմանադրական փոփոխությունների հանրաքվե: Թուրքագետի բնորոշմամբ՝ այդ քայլով նախագահ Ռեջեփ Թայիփ Էրդողանը ձեւականորեն կստանա ավելի մեծ իշխանություն, քանի որ իրական իշխանություն արդեն իսկ ունի:
«Դա կարեւոր է նրա համար: Նա իրեն ընկալում է որպես Թուրքիայի երկրորդ հայր եւ մտադիր է ստեղծել նոր Թուրքիա»,-նշեց Ռուբեն Սաֆրաստյանը: Նա չի կարծում, որ հանրաքվեի արդյունքում Թուրքիան կփոխի ՀՀ-ի հանդեպ քաղաքականությունը:
Մանրամասն՝ տեսանյութում:
Կարդացեք նաև
Լուիզա ՍՈՒՔԻԱՍՅԱՆ
