Այսօր ԱԺ ճեպազրույցում ՀԱԿ խմբակցության քարտուղար Արամ Մանուկյանն ասաց, որ իրենք Սահմանադրական դատարան են դիմել ընտրությունների արդյունքները վիճարկելու 3 հիմքով՝ վարչական ռեսուրսի կիրառում, ընտրակաշառքի բաժանում եւ ընտրողների վերահսկում:
Արամ Մանուկյանը որոշ տվյալներ էր ամփոփել՝ ընտրությունների արդյունքներից: Նա ասաց, որ մեր երկրի բնակչության շուրջ 5 տոկոսը կույր է. «Հավաքել ենք բավականաչափ նյութեր, որոնք ասում են, որ ամեն տեղամասում միջինը 5 տոկոսը օգնության կարիք է ունեցել, կույր է ունեցել, գյուղերում կույրերն ավելի շատ են: Արաբկիրում տեղամասում 100 հոգի կարիք է ունեցել ուրիշի՝ ՀՀԿ-ական դիտորդի օգնության: Փող բաժանողը, որպեսզի վերահսկի, եկել էր տեղամասում դիտորդ էր աշխատում: 28 հազար դիտորդ տեսե՞լ եք: Մի տեղ կա, 25 տոկոսը ժողովրդի օգնությամբ է քվեարկել, մի տեղ 130 հոգու օգնել են: Ամենահետաքրքիրն այն է, որ հոգեբուժարանում ՀՀԿ-ի օգտին քվեարկել են 100 տոկոսը, բոլոր հոգեկան հիվանդները քվեարկել են իշխանության օգտին»:
Հռիփսիմե ՋԵԲԵՋՅԱՆ
Այդ հիվանդներին պետք է նորից զննել՝վայ թե ձևացնում են հիվանդությունը….