Խորհրդարանական ընտրություններից առաջ «Իրազեկ քաղաքացիների միավորում» ՀԿ-ի կողմից հրապարակված ձայնագրությունները՝ դպրոցների եւ մանկապարտեզների տնօրենների մասնակցությամբ, ընտրություններից հետո նոր ընթացք ստացան, մի բան էլ մեղավոր դուրս եկավ այդ ձայնագրությունները հրապարակած ՀԿ-ն. դպրոցների եւ մանկապարտեզների 30 տնօրեններ դիմել են դատարան,՝ պահանջով, որ դատարանը պարտավորեցնի ՀԿ-ի նախագահ Դանիել Իոաննիսյանին հրապարակայնորեն հերքել զրպարտություն համարվող փաստացի տվյալները։ Նկատենք, որ ձայնագրությունները հրապարակվելուց եւ մեծ աղմուկ առաջանալուց հետո ԿԳՆ-ն հայտարարեց, որ սկսել են ուսումնասիրություն կատարել։ Ի՞նչ փուլում է գտնվում այդ ուսումնասիրությունը, եւ ինչպե՞ս է տնօրենների այդ արարքին արձագանքում ՀՀ կրթության եւ գիտության նախարարը, այս եւ այլ հարցերի շուրջ «Ժողովուրդ»-ը զրուցել է ԿԳ նախարար Լեւոն Մկրտչյանի հետ։
– Ի՞նչ եք կարծում այդ տնօրենները բարոյապես «իրավունք» ունեի՞ն հակընդդեմ հայց ներկայացնելու։
– Գիտեք, ընթացքի մեջ է, եթե դիմել են, քաղաքացի են, ուրեմն իրավունք ունեն, եթե դատարանը վերցրել է։
– Իսկ այդ մասին իմանալուց հետո վատ չզգացի՞ք, որ տնօրեններն աշխատել են ոչ թե Ձեր կուսակցության՝ Դաշնակցության համար, այլեւ Հանրապետականի։
Կարդացեք նաև
– Ո՛չ, Դաշնակցությունը չի ուժեղանա այդ աշխատանքից, բայց ես Ձեզ ասեմ՝ տնօրենները պնդում են, որ իրենք իրենց աշխատանքային ռեսուրսները չեն օգտագործել եւ աշխատել են իբրեւ Հանրապետական կուսակցության անդամներ աշխատանքից հետո եղած ժամանակ։
Եվ ԿԸՀ-ն քննական վարույթ վերցրեց, հիմա ունենք իրենց բացատրությունները, կպարզենք ավագ դպրոցների մասով բնականաբար, որովհետեւ ներառված են ավագ դպրոցները, մյուս ուղղություններով երեւի թե նմանատիպ խնդիրներ կանեն ե՛ւ մարզպետարանները, ե՛ւ քաղաքապետարանները։ Նաեւ գիտեմ, որ դպրոցի տնօրենների մի խումբ, իրենց վիրավորված համարելով դիմել է դատական հայցով, հիմա այս խնդիրը փորձենք առաջիկայում հասկանալ։
Վահագն ՀԱԿՈԲՅԱՆ
Հոդվածն ամբողջությամբ կարող եք կարդալ «Ժողովուրդ» թերթի այսօրվա համարում
