Քաղցրակե՞ր եք, գիրանում եք եւ չգիտեք՝ ինչպես համեղ կոնֆետներից եւ այլ քաղցրեղենից հրաժարվե՞լ, ապա հետեւեք բնաբույժների խորհրդին:
Ծիրանի չիրը, սեւ սալորի չիրը եւ կիտրոնը` կեղեւով, երկու անգամ աղալ մսաղացով, ավելացնել 2 ճաշի գդալ մեղր եւ ձեռքով լավ խառնելուց հետո փոքրիկ գնդիկներ պատրաստել: Ընկույզը մանր կտրատել, լցնել ափսեի մեջ եւ գնդիկները թաթախել մանրացրած ընկույզի մեջ: Կոնֆետի փոխարեն երեխաներին եւս կարող եք այս մրգային գնդիկները տալ:
Նույնպիսի գնդիկներ կարող եք պատրաստել տարբեր մրգերի չրերից ու չամիչից:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ»
13,04.2017
