Վճռաբեկ դատարանը բավարարել է 2015 թվականի սահմանադրական հանրաքվեի դիտորդ, գործարար֊ինժեներ Վարդգես Գասպարիի բողոքն ընդդեմ առաջին ատյանի դատարանի որոշման՝ իր դեմ հարուցված քրեական գործի վերաբերյալ։
Գասպարին բողոք էր ներկայացրել Հատուկ քննչական ծառայության դեմ, որը 2015-ին քրեական գործ էր հարուցել՝ պնդելով, թե Գասպարին «խոչընդտոդել էր հանրաքվեի հանձնաժողովի աշխատանքը» և «խոչընդոտել էր անձի ազատ քվեարկության իրավունքը»։ Գործարար֊ինժեները պնդում է, որ ոչ մի հանցագործություն չի կատարել, այլ ընդամենն արձանագրել է, որ տեղի է ունեցել քվեարկության կեղծում․ քաղաքացին եկել էր ընտրելու և նրա փոխարեն արդեն ընտրել և ստորագրել էին։
Այդ օրը դիտորդ Վարդգես Գասպարիին մեկուսացրել էին ընտրատեղամասից, առանց բացատրության երեք ժամ պահել են Կենտրոնի ոստիկանությունում և ազատ արձակել 20։00-ի սահմաններում, երբ ընտրատեղամասերն արդեն փակվել էին։
Մանրամասներին կարող եք ծանոթանալ՝ «epress.am»-ի կայքում:
