Վարչական դատարանում դատավոր Աղասի Դարբինյանի նախագահությամբ ապրիլի 12-ին քննվում էր «Օհանյան-Րաֆֆի-Օսկանյան» դաշինքի հայցն ընդդեմ Կենտրոնական ընտրական հանձնաժողովի:
ՕՐՕ դաշինքի ներկայացուցիչ Լևոն Օհանյանը դատական նիստի ընթացքում ասաց, որ Կենտրոնական ընտրական հանձնաժողովին խնդրել են մատնահետքերի համադրում իրականացնել՝ հասկանալու համար՝ արդյոք կրկնաքվեարկություն եղել է, թե՞ ոչ: Սակայն, ԿԸՀ-ն մերժել է իրենց դիմումը: Դաշինքը վարչական դատարանից խնդրում է վերացնել ԿԸՀ որոշումը և պարտավորեցնել նրան կատարել համեմատական վերլուծություն իրականացնել՝ պարզելու համար արդյոք համընկումներ կա՞ն, թե՞ ոչ:
Կենտրոնական ընտրական հանձնաժողովի անդամ Գեորգի Մարտիրոսյանը ասաց, որ ԿԸՀ-ն իր բոլոր պարտականությունները կատարել է, եւ կրկնաքվեարկության մասին ոչ մի դիմում չեն ստացել:
Գեորգի Մարտիրոսյանը նշեց, որ հայցվոր կողմը որևէ ապացույց չի ներկայացրել, թե այդ մատնահետքերը 1 օրում կարելի է համադրե՞լ, թե՞ 1 տարում. «Իմ կարծիքով՝ սա ավելի շատ քաղաքական ենթատեքստ ունի, քան իրավական»:
Կարդացեք նաև
Գործ դատաքննությունը ավարտվեց, վճիռը կհրապարակվի ուրբաթ՝ ապրիլի 14-ին:
Ամի ՉԻՉԱԿՅԱՆ
