Վրաստանը հրաժարվում է ռուսական գազից. երկիրը մինչև տարեվերջ գազ չի գնի «Գազպրոմից»: Համապատասխան կանխատեսումային բալանսը հաստատել է Վրաստանի էներգետիկայի նախարար Կախա Կալաձեն: 2017թ. հունվար-մարտ ամիսներին Ռուսաստանից ներմուծվել է 100 միլիոն խմ գազ:
Վրաստանի կառավարությունը նախատեսում է բնակչությանը և կոմերցիոն ոլորտին մատակարարել Ադրբեջանից ներկրված գազով: Մատակարարումներն իրականացնելու է SOCAR ադրբեջանական պետական նավթային ընկերությունը և Շահդենիզ կոնսորցիումը՝ Բաքու-Թբիլիսի-Էրզրում գազատարով: Համապատասխանաբար, ռուսական գազի չափաբաժինը Վրաստանում այս տարի կազմելու է շուրջ 4%:
Վրաստանի էներգետիկայի նախարարության կանխատեսումային բալանսի համաձայն՝ այս տարի Վրաստանը պետք է ներմուծի 2.457 միլիարդ խմ գազ, ադրբեջանական գազի չափաբաժինը կլինի 2.347 միլիարդ խմ:
Կարդացեք նաև
