Շատ տվյալներ կան այն մասին, որ Սիրիայում քիմիական զենքի օգտագործումը բնավ էլ նախագահ Բաշար Ասադի կողմից չի եղել: Այս մասին այսօր «Հայելի» մամուլի ակումբում անդրադառնալով օրերս Սիրիայում քիմիական զենքի կիրառմանը, լրագրողներին ասաց քաղաքագետ Արա Պապյանը:
Նրա բնորոշմամբ՝ Սիրիայում ռուս-ամերիկյան հաշտեցման քաղաքականությունը ձախողվեց, երբ ԱՄՆ նախագահ Թրամփի հրամանով օրերս օդային հարվածներ հասցրեց սիրիական կառավարական ավիաբազային. «Ռուսաստանը որդեգրել է դիմակայման-հակադրման ճանապարհը»:
Արա Պապյանի խոսքով՝ Սիրիայում ՌԴ դիրքերի թուլացումը ՀՀ-ի համար ցավալի պետք է լինի. «Ռուսաստանն այլեւս Ասադի մնալը չի դիտարկում որպես պայման: Ասադի հեռանալը կբերի Սիրիայի տրոհմանը, որովհետեւ նրան պահողը ռուսներն են»:
Կարդացեք նաև
Քաղաքագետը նաեւ նշեց, որ հավանական է՝ Սիրիայում քիմիական զենք է հայտնվել Թուրքիայի տարածքի միջոցով:
Մանրամասն՝ տեսանյութում:
Լուիզա ՍՈՒՔԻԱՍՅԱՆ
