Խորվաթիայում ավարտվեց ծանրամարտի Եվրոպայի տղամարդկանց եւ կանանց առաջնությունը: Եզրափակիչ օրը Հայաստանի հավաքականից մրցահարթակ մտան 105 կգ քաշայիններ Սիմոն Մարտիրոսյանը, Սամվել Գասպարյանը եւ +105 կգ քաշայիններ Գոռ Մինասյանն ու Ռուբեն Ալեքսանյանը:
Ցերեկը Ռիոյի օլիմպիական խաղերի արծաթե մեդալակիր Սիմոն Մարտիրոսյանը երկամարտում ցույց տվեց 414 (184+230) կիլոգրամ եւ նվաճեց Հին Աշխարհամասի չեմպիոնի տիտղոսը: Գյումրեցի Սամվել Գասպարյանը 375 կգ-ով 6-րդն էր:
Երեկոյան պայքարի մեջ ներգրավված օլիմպիական փոխչեմպիոն Գոռ Մինասյանը այս անգամ էլ բավարարվեց արծաթե մեդալով՝ երկամարտում ցույց տալով 446 (211+235) կիլոգրամ, իսկ Ռուբեն Ալքեսանյանը 434 (190+244) կգ-ով բարձրացավ պատվո պատվանդանի բրոնզե աստիճան: Գոռը փոքր արծաթի արժանացավ նաեւ պոկում վարժությունում, իսկ Ռուբենը փոքր բրոնզի՝ հրումում:
Կարդացեք նաև
Աշոտ ՀԱԿՈԲՅԱՆ
