«Պառակտվում եւ ոչնչանում է Սիրիայի հայ համայնքը, ծայրահեղականները քանդում են հայկական եկեղեցիները…ԻՊ-ի համար ՀՀ-ն ոչ ցանկալի երկրների շարքում է, քանի որ քրիստոնյա երկիր է»,-«Պոստ սկրիպտում» մամուլի ակումբում այսօր հայտարարեց թուրքագետ Մուշեղ Խուդավերդյանը:
Նրա խոսքով՝ որքան ընդլայնվեն ԻՊ ազդեցության գոտիները, այնքան ՀՀ-ի համար ԻՊ-ից եկող վտանգը կավելանա՝ տնտեսական, քաղաքական, ռազմական առումներով:
Անդրադառնալով երեկ ԱՄՆ-ի կողմից սիրիական կառավարական բազային ավիահարվածներ հասցնելու փաստին՝ փորձագետը նկատեց. «Ռուս-ամերիկյան հարաբերությունները Սիրիայի հարցում բավականին լարված են: ԱՄՆ-ն մշտապես փորձելու է ընդլայնել իր ազդեցությունը՝ ի հաշիվ ռուսական ազդեցության գոտիների: Առհասարակ, ներկայում Սիրիայում պայքարը նման է փոքրիկ համաշխարհային պատերազմի»:
Ինչ վերաբերում է Թուրքիայի դիրքերին, Մուշեղ Խուդավերդյանի բնորոշմամբ՝ Եթե Թուրքիան Սիրիայում չսպասարկի ՆԱՏՕ-ի շահերը, մեկ օր անգամ չի մնա ՆԱՏՕ-ում:
Կարդացեք նաև
Մանրամասն՝ տեսանյութում:
Լուիզա ՍՈՒՔԻԱՍՅԱՆ
