Ընկույզը խտացված սննդամթերք է, որ բնությունն ստեղծել է մեզ համար. 100 գրամ միջուկի մեջ միայն 3-4 գրամ ջուր կա, մնացածը խիստ արժեքավոր նյութեր են` ամինաթթուներ, ճարպաթթուներ, որոնք մարդու օրգանիզմում չեն սինթեզվում, բայց նյութափոխանակման գործում կարեւոր դեր են կատարում: Ընկույզում առկա մի քանի նյութեր դրական են ազդում սրտի աշխատանքի վրա, քանի որ նրանում կա ճարպային թթու օմեգա 3: Ընկույզի մեջ ածխաջրերը ներկայանում են գլյուկոզայի եւ սախարոզայի տեսքով, իսկ օսլա պարունակվում է աննշան քանակությամբ: Ընկույզը նաեւ վիտամինների առատ աղբյուր է: Մեծ քանակությամբ վիտամին C է պարունակում կանաչ ընկույզը: Ընկույզի միջուկը հարուստ է հանքային աղերով. 134 միլիգրամ մարգանեց, 380 միլիգրամ ֆոսֆոր, պարունակում է նաեւ պղինձ, ցինկ, յոդ, սելեն եւ մոլիբդեն:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ»
07,04.2017
