Ստկհոլմի կենտրոնում բեռնատար ավտոմեքենան մխրճվել է մարդկանց բազմության մեջ: Ինչպես հաղորդում են տեղի ԶԼՄ-ները՝ վկայակոչելով ականատեսներին, մի քանի մարդ է զոհվել:
Տեղեկատվության համաձայն՝ գարեջուր տեղափոխող բեռնատարը մխրճվել է առևտրի կենտրոնի շենքի մեջ, որը տեղակայված է Դրոնտնինգատան փողոցի վրա: Ոստիկանությունը չի հստակեցրել վիրավորների քանակը: Տեղի ռադիոկայանը հաղորդում է երեք զոհի մասին:
Ականատեսների խոսքով՝ առևտրի կենտրոնից հարյուրավոր մարդիկ են փախչում: Ոստիկանությունը փակել է քաղաքի կենտրոնական հատվածը: Ոստիկանությունը չի բացառում, որ տեղի ունեցածը ահաբեկչություն կարող է լինել, քննարկվում են նաև այլ տարբերակներ:
Չհաստատված տվյալներով՝ իրավապահ մարմինները հաղորդագրություններ են ստացել պատահարի շրջանում կրակոցների մասին: Ոստիկանություն բնակիչներին կոչ է արել խուսափել քաղաքի կենտրոն այցելությունից:
