Սոցիալ-դեմոկրատ հնչակյան կուսակցության ներկայացուցիչներն ԱԺ ընտրություններից առաջ բանակցում էին «Ծառուկյան դաշինքի» հետ համագործակցելու համար։ Սակայն հետո, կուսակցության ատենապետ Նարեկ Գալստյանի հավաստմամբ, հրաժարվեցին մասնակցել այդ գործընթացին։,
Սովորաբար համապետական՝ նախագահական ընտրություններից հետո ընդդիմադիր ուժերի կոչով ժողովուրդը դուրս էր գալիս փողոց, այս անգամ չկան նման տրամադրություններ, ի՞նչ լուծում կարող է լինել։ «Երկրում տեղի է ունենում քաղաքական դաշտի ապաքաղաքականացում։ Տեսեք, ընտրությունների ժամանակ հաջողություններ արձանագրեցին ոչ թե քաղաքական գործիչները, ոչ էլ նույնիսկ թաղային հեղինակությունները, այլ հաջողության հասան այն մարդիկ, որոնք կարողացան խոշոր գումարներ ներդնել քաղաքական գործընթացներում։ Այսինքն՝ ընտրությունը քաղաքական չէր, մեծ հաշվով»,- կարծում է մեր զրուցակիցը։
Ամփոփելով ԱԺ ընտրությունները՝ Նարեկ Գալստյանը կարծում է, որ առաջացել է մեծ վակուում, եւ ընդդիմադիր ուժերը պետք է վերաիմաստավորեն տեղի ունեցածը։
Որպես այս ամենի դեղատոմս՝ նա առաջարկում է, որ շատ քաղաքական գործիչներ ուղղակի գնան տուն, անցնեն թոշակի։ «Շատ քաղաքական գործիչներ չեն կարողանում դուրս գալ «նախկին» եզրույթի շրջանակներից՝ նախկին պատգամավոր, նախկին նախարար, նախկին վարչապետ, նախկին նախագահ։ Փաստ է, որ ՀՀ քաղաքացին նրանց քվե չի տվել»,- ասաց ՍԴՀԿ ատենապետը։
Կարդացեք նաև
Թագուհի ՀԱԿՈԲՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
