ՀԱԿ գրասենյակում նույնպես գտնում են, որ բողոքարկումն իմաստ չունի։ Եվ անգամ ընտրողների քվեարկված ցուցակների ուսումնասիրությամբ չեն զբաղվում։ Մինչդեռ Ընտրական օրենսգրքի ընդունման ժամանակ պնդում էին, որ ցուցակների հրապարակումը մեծ ձեռքբերում է, իշխանության կողմից հսկայական զիջում։
Կոմունիստները նույնպես որեւէ իրավական գործընթաց չեն ձեռնարկելու։ Հայաստանի առաջադիմական միացյալ կոմունիստական կուսակցության առաջնորդ Վազգեն Սաֆարյանն այսպես պատասխանեց. «Բողոքներ չենք ներկայացրել, ի՞նչը պետք է փոխվի։ Մեր վստահված անձինք չեն արձանագրել խախտումներ»։ Գուցե պատճառն այն է, որ քի՞չ վստահված անձինք ունեիք։ «Այնքան էլ քիչ չէին։ Երեւանը համարյա ծածկել ենք»,- պատասխանեց Սաֆարյանը։
«Ազատ դեմոկրատներն» էլ են անմասն բողոքարկման պրոցեսներում։ «Իմաստ չենք տեսնում բողոքարկման գործընթացներին մասնակցելու»,- ասաց նախկին թեկնածու, կուսակցության մամուլի պատասխանատու Անժելա Խաչատրյանը։
Սյուզան ՍԻՄՈՆՅԱՆ
Կարդացեք նաև
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
