Խորվաթիայում ընթացող ծանրամարտի Եվրոպայի առաջնությունում այսօր ծանրամարտի Հայաստանի ազգային հավաքականի անդամ, Եվրոպայի արդեն անցած տարվա չեմպիոն Անդրանիկ Կարապետյանը Ռիո-դե-Ժանեյրոյի օլիմպիական խաղերում ստացած ձախ ձեռքի ծանր վնասվածքից հետո առաջին անգամ մտավ մրցահարթակ: Հայ ծանրորդը տեղափոխվելով 85 կգ քաշային կարգ՝ առաջին անգամ հանդես եկավ բոլորիս համար անսովոր «B» խմբում:
Մարզիչներն այդպես նրան հնարավորություն էին տվել վերստին զգալ մրցահարթակը եւ ծանրորդի առջեւ առանձնապես լուրջ խնդիրներ չէին դրել: Անդրանիկ Կարապետյանը Սպլիտում պոկեց 160 կգ, հրեց 165 կգ եւ երկամարտի 325 կիլոգրամով (160+165) խմբում զբաղեցրեց 5-րդ հորիզոնականը:
Աշոտ ՀԱԿՈԲՅԱՆ
