Մոսկվայի դատարանը օրինական է ճանաչել Մոսկվայում «Սիթիբանկի» մասնաճյուղում պատանդներ վերցրած հայազգի գործարար Արամ Պետրոսյանի՝ մինչև ապրիլի վերջը կալանքի տակ պահելու ժամկետի երկարացումը: Այս մասին RIA Novosti գործակալությանը հայտնել է Պետրոսյանի փաստաբան Ստանիսլավ Մալցևը:
Ավելի վաղ դատարանը Պետրոսյանի կալանքը երկարաձգել էր մինչև ապրիլի 24-ը: «Մոսկվայի դատարանը առանց փոփոխության է թողել շրջանային դատարանի վճիռը»,-ասել է փաստաբանը:
Քննիչները սպասում են դատահոգեբանական փորձաքննության տվյալներին, որից հետո մտադիր են Պետրոսյանի դեմ վերջնական խմբավորմամբ մեղադրանք ներկայացնել:
Պետրոսյանը մեղադրվում է ահաբեկչության և պատանդներ վերցնելու մեջ:
Կարդացեք նաև
Հիշեցնենք, որ Արամ Պետրոսյանը 2016թ. օգոստոսի 24-ին չորս պատանդ էր վերցրել Մոսկվայի կենտրոնում գտնվող «Սիթիբանկի» բաժանմունքում` սպառնալով պայթեցնել նրանց: Որոշ ժամանակ անց տղամարդը բաց էր թողել բոլոր պատանդներին և հանձնվել իրավապահներին: Առարկան, որը նա որպես ռումբ էր ներկայացրել, աղով լի տոպրակ է եղել: Հարցաքննության ընթացքում Պետրոսյանը հայտնել է, որ ցանկանում էր իր արարքով ուշադրություն հրավիրել սնանկացման խնդրի վրա:
