Ըստ հայկական հնագույն խոհանոցի մասնագետ Սերգեյ Հունանյանի, հայկական ժողովրդական բժշկությունը միակն է աշխարհում, որն ունի ճաշաբուժություն:
Գարուն է, որոշ տեղերում հասցրել է կանաչը բուսնել եւ կարելի է եղինջ գտնել՝ համեղ եւ բուժիչ ապուր պատրաստելու համար:
«Մշո եւ Սեւ լեռների եղինջապուր»-ը կարեւոր դեր է խաղացել շաքարային դիաբետի բուժման համար հատկապես, երբ ապուրը պատրաստվում է գետնախնձորով: Բացի այդ, շատ արագ եւ արդյունավետ վերացնում է ֆիզիկական ու մտավոր հոգնածությունը, անքնությունը, ստամոքսային այրոցը:
Անհրաժեշտ է`
Թարմ եղինջ` 600 գրամ, առավել օգտակար է վաղ գարնանային անտառային կարմրաերանգ եղինջը, գլուխ սոխ` 150 գրամ, գետնախնձոր կամ կարտոֆիլ` 150 գրամ, հալած յուղ` 120 գրամ, կարմիր աղացած քաղցր պղպեղ` 10 գրամ, մաղադանոս`10 գրամ, մարվանդակ (նեխուր)` 15 գրամ, աղ` ըստ ճաշակի, հավկիթ` 1 հատ, տավարի մսի արգանակ` 2 լիտր, բրինձ` 60 գրամ:
Պատրաստման եղանակը: Պատրաստել սոխառած եւ լցնել եռացող մսի արգանակի մեջ, այնուհետեւ ավելացնել բրինձը: Այնուհետեւ կտրատել մաքրած եւ լվացած եղինջն ու լցնել ապուրի մեջ, թողնել եւս 2-3 րոպե, ապա ավելացնել հարած հավկիթը, աղը, պղպեղը:
Մատուցելիս ավելացնել մանր կտրտած մաղադանոսը, մարվանդակը:
Նախատեսված է 4 բաժնի համար:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ»
05,04.2017
