ՀՀ մշակույթի նախարար Արմեն Ամիրյանի` օպերայում ռեստորան հիմնելու մասին գաղափարը զայրացրել է մշակույթի որոշ գործիչների եւ լայնորեն քննարկվել սոցցանցերում:
Aravot.am-ը թեմայի վերաբերյալ մեկնաբանություն խնդրեց նախարարից:
«Որեւէ հարցի կարելի է մոտենալ ծայրահեղ պատկերացումներով եւ մոտենալ ավելի կառուցողական պատկերացումներով: Ես կոչ կանեի, որ մեր գործընկերները մի քիչ կառուցողական վերաբերվեին ցանկացած հնչած առաջարկի, որովհետեւ մենք շարժվում ենք մշակույթի կապիտալիզացիայի, արժեւորման ճանապարհով, իսկ արժեւորումը տեղի է ունենում նաեւ նման գործառույթներ իրականացնելով, որպեսզի էլ ավելի շատ հանդիսատեսի եւ մարդկանց հասանելի լինի եւ մեր պատմամշակութային ժառանգությունը, եւ ժամանակակից արվեստը: Այնպես որ, կոչ եմ անում ծայրահեղական մոտեցում չցուցաբերել»,-ասաց Արմեն Ամիրյանը:
Մեր դիտարկմանը, որ չունենք Ժամանակակից արվեստի թանգարան, իսկ Հենրիկ Իգիթյանի հիմնադրածն այլեւս հեռու է այդպիսի թանգարան լինելուց, նախարարը պատասխանեց. «Ես համամիտ եմ ձեզ հետ, իսկապես չունենք Ժամանակակից արվեստի թանգարան եւ հիմա մտածում ենք այդ ուղղությամբ»:
Կարդացեք նաև
Գոհար ՀԱԿՈԲՅԱՆ
Հոլամդիայում բոլոր մեծ համերգասրահներն ու թանգարաններն ունեն առնվազն մեկ ռեստորան… ու ոչինչ… դա չի խանգարում արվեստի մատուցմանն ու ընկալմանը…
Մեր օպերային հենց ռեստորանն է, չէ՞, պակասում։ Ամեն ինչ անում են, որ լավագույն ուժերը հեռանան Հայաստանից, այ թող այդ մասին մտածի պարոն նախարարը, թե չէ՝ մշակույթի կապիտալիզա՜ցիա… դատարկ խոսքեր են։