ԵԱՀԿ ԽՎ պատվիրակության ղեկավար Գեր Յորգեն Բեքքեֆոլդը ողջունում է ապրիլի երկուսին ՀՀ ԱԺ ընտրություններում նոր տեխնոլոգիաների ներդրումը, միաժամանակ՝ արձանագրում խնդիրները: «Ընտրատեղամասերի շրջակա տարածքներում լարվածություն կար, ընտրողների հերթեր էին գոյանում: ԵԱՀԿ-ն կոչ է անում հաշվի առնել այդ թերությունները»,-հայաստանյան լրատվամիջոցների հետ հանդիպմանն այսօր ասաց նա:
ԵԽԽՎ պատվիրակության ղեկավար Լիլիան Մորի-Պասկիերն էլ ընդգծեց՝ կասկած չկա, որ այս ընտրություններից առաջ ՀՀ իշխանությունները ջանքեր են գործադրել ընտրական գործընթացը բարելավելու ուղղությամբ, սակայն ընտրական օրենսդրությունը խրթին է:
«Միայն տեխնիկական սարքավորումների օգտագործմամբ չի կարելի վերականգնել ընտրողների վստահությունը: Ընտրական միջավայրը գոհացուցիչ չի եղել: Մարդկանց նկատմամբ ճնշումներ են գործադրվել: Օրինակ՝ փորձել են համոզել, թե ընտրողի քվեարկությունը հայտնի է լինելու: Վախը եւ հիասթափությունը հույսից ուժեղ գտնվեցին»,-նշեց նա:
Կարդացեք նաև
Լուիզա ՍՈՒՔԻԱՍՅԱՆ
