«Դժվար է նշել խնդրի չափը, բայց որ այն կա, արդեն իսկ խնդիր է»,-լրագրողների հետ հանդիպմանն այսօր անդրադառնալով ԵԱՀԿ/ԺՀՄԻԳ դիտորդական առաքելության արձանագրած՝ ընտրակաշառք բաժանելու դեպքերին, ասաց առաքելության ղեկավար, դեսպան Յան Պետերսենը:
Գնահատելով ապրիլի 2-ի ՀՀ ԱԺ ընտրությունները՝ նա կարծիք հայտնեց, որ ընտրության գաղտնիության առումով իրավիճակը բարելավվել է. «Քվեարկության օրն, ընդհանուր առմամբ, խաղաղ էր, ընթացակարգերը պահպանվեցին, իսկ ընտրողների տվյալները գրանցող սարքերն արդյունավետ աշխատեցին»:
Չնայած վերոնշյալին՝ դեսպանը մատնանշեց, որ առաքելությունն արձանագրել է կուսակցության ներկայացուցիչների եւ ոստիկանության աշխատակիցների կողմից ընտրատեղամասերում իրականացրած միջամտություններ. «Կային նաեւ ընտրողների կուտակումներ»:
Յան Պետերսենը նաեւ հայտնեց, որ ԵԱՀԿ/ԺՀՄԻԳ-ը եւս մեկ շաբաթ աշխատելու է ՀՀ-ում եւ հետեւելու հետընտրական գործընթացներին:
Կարդացեք նաև
Լուիզա ՍՈՒՔԻԱՍՅԱՆ
