ՀՅԴ-ն իր հավաքած քվեներով հանրապետությունում առաջին տեղն է ընկել Շիրակի մարզում, երկրորդ տեղը Արմավիրում, երրորդ տեղը՝ Տաուշում։ Այս կուսակցությունը Շիրակում ստացել է 12 հազար 277 ձայն։
ՀՅԴ Շիրակի մարզի վարկանիշային թեկնածուներից ամենաշատ ձայներ հավաքել է Շիրակի նախկին մարզպետ Ռոմիկ Մանուկյանը, նրա ձայների քանակն է՝ 3100։ Ծնունդով արթիկցի, ՀՀ գյուղատնտեսության նախարարության ջրային տնտեսության պետական կոմիտեի նախագահի տեղակալի պաշտոնը զբաղեցնող Հակոբ Մաթիլյանը հավաքել է 2639 ձայն, իսկ Մովսես Մանուկյանը՝ Շիրակի մարզպետարանի գյուղվարչության պետը՝ 1991 ձայն։
ՀՀԿ-ից հեռացած, ՀՅԴ-ով առաջադրված Խաչատուր Վարագյանը, որը վերջերս նշանակվեց Շիրակի փոխմարզպետ, ստացել է 1068 ձայն։
Հետաքրքիրն այն է, որ «Հայկական վերածնունդը» Շիրակի մարզում ստացել է 13 783 ձայն, ձայների 10,43 տոկոսը, սակայն պարտվեց ԱԺ ընտրություններում հենց նույն դաշնակցականներին։
Կարդացեք նաև
Նունե ԱՐԵՎՇԱՏՅԱՆ
Լուսանկարը՝ Ռոմիկ Մանուկյանի ֆեյսբուքյան էջից
