Զբոսաշրջությունը գերակա ուղղություն հռչակած կառավարությունն այդքան չարչրկված հասարակական զուգարանի հարցն անգամ չի կարողանում լուծել: Հին ու առաջին քրիստոնեական երկիր լինելու, գյուղական տուրիզմի ու բիբլիական Արարատի գովազդներով Հայաստան բերած զբոսաշրջիկներին միայն այդ վայրերը չէ, որ ցույց ենք տալու: Երթեւեկության կանոններին սրբորեն հետեւող տուրիստներից շատերը խուսափում են երկրորդ անգամ նույն գետնանցումից օգտվել` հաշվի առնելով նախորդ անգամվա հիասթափությունը:
Հասարակական զուգարանի վերածված, մութ ու գարշահոտ երեք անցում Կենտրոնում է` Մաշտոցի պողոտայում: Այս գետնանցումները մեկը մյուսից ավերակ են ու անցորդների համար՝ վտանգավոր: Կարելի էր, չէ՞, մի փողոցը տարին մի քանի անգամ ասֆալտապատելու փոխարեն այս անցումների լուսավորությունն ավելացնել, թանկարժեք բիոզուգարանների փոխարեն էլ սովորական հասարակական զուգարաններ տեղադրել, որպեսզի մարդիկ անցումները չդարձնեն հասարակական զուգարաններ:
ԼՈՒՍԻՆԵ ԲՈՒԴԱՂՅԱՆ
Կարդացեք նաև
«Առավոտ»
01,04.2017
