Գյումրու թիվ 11 դպրոցում տեղակայված 31/04 ընտրատեղամասում, որտեղ քվեարկության են մասնակցել 713 ընտրող, ձայների հաշվարկի ժամանակ զգացմունքային գրառումներով թերթիկներ չհայտնաբերվեցին։ Ընդամենը մի հոգի քվեարկել էր Աժ ընտրություններին մասնակցող 9 ուժերի օգտին՝ բոլորը թերթիկները խցկելով մի ծրարում։ «Սաղին էլ խաթր է արել»,-կատակեցին հաշվարկին մասնակցողները։
Այստեղ ՀՀԿ-ի օգտին քվեարկել էին 253 հոգի, ԲՀԿ-ին՝ 243 հոգի, «Հայկական վերածնունդ» կուսակցության օգտին՝ 96 հոգի,Դաշնակցությանը՝ 52 հոգի, ՕՐՕ-ն ստացել էր 31 ձայն․ Ելքը՝ 30 ձայն, Կոնգրես-ՀԺԿ-ն՝ 7 ձայն, իսկ «Ազատ-դեմոկրատները» ընդամենը մեկ ձայն, քվեարկել էին Երևանի պետական կոնսերվատորիայի Գյումրու մասնաճյուղի դասախոս Վարդգես Ադամյանի օգտին։
Այս պահին դեռ ընթանում է վարկանիշային թեկնածուների ստացած ձայների հաշվարկը։
Կարդացեք նաև
Նունե ԱՐԵՎՇԱՏՅԱՆ
