«Օհանյան-Րաֆֆի-Օսկանյան» դաշինքն ահազանգ էր ստացել, որ Հանրապետական հիվանդանոցում՝ «Արմենիա» բժշկական կենտրոնում շրջիկ արկղի հետ կապված ընտրախախտումներ կան:
Մենք եղանք այնտեղ, ընդունարանի մոտ բավականին մեծ կուտակում էր, հիվանդները հերթ էին կանգնել՝ քվեարկելու համար:
Մեզ հետ զրույցում «Ժառանգության» անդամ Ռաֆիկ Հակոբյանն ասաց, որ այստեղ լրիվ պայմանավորված քվեարկություն է. «Քանի որ այստեղ գլխավոր բժիշկը՝ Գրիգորյան Գարիկ Գրիգորիչը ՀԱԿ-ից է, 5-րդ համարը, հետեւաբար նախապես երեւի պայմանավորվել են, խոսում են՝ էս եկավ, էս չեկավ: Պայմանավորված են, գալիս են, ընտրում են: Բայց ներսում խախտում չկա»:
Կարդացեք նաև
Հիվանդանոցում քվեարկության էր մասնակցում նաեւ շոուբիզնեսի ներկայացուցիչ «Պաուզա Անոն»: Նա մեզ հետ զրույցում ասաց, որ ինքը որեւէ ուղղորդում չի նկատել. «Ինձ կարա ինչ-որ մեկը ուղղություն տա՞, թե ում քվեարկեմ, ում՝ չէ»: Նա ասաց, որքվեարկել է հանուն Հայաստանի լավ ապագայի. «Ես ոչ մի կուսակցության կարգախոսը չեմ լսում, ես ունեմ իմ կարգախոսը՝ Հայաստանը լավը լինի՝ չգնանք: Թե ՀՀԿ-ն կլինի, թե ԲՀԿ-ն կլինի, թե եսիմ ով կլինի՝ իմ համար կապ չունի, ուղղակի լավ Հայաստան կառուցենք: Մարդ եղինին՝ կառուցեն մեր երկիրը, չգնանք էս երկրից»: Նա ասաց, որ ոչ մի քաղաքական ուժի էլ չի հավատում ու չի վստահում. «Ոչ մեկի հետ էլ հույս չեմ կապում»:
Հռիփսիմե ՋԵԲԵՋՅԱՆ
