9/18 ընտրական տեղամասում քվեարկություն կատարելուց հետո նախագահ Սերժ Սարգսյանը լրագրողներին ասաց, որ քվեարկել է Հայաստանի սահմանների կայունության եւ ապահովության օգտին:
Լրագրողները խնդրեցին նախագահին գնահատել Հանրապետականի շանսերը: Նախագահն ասաց, որ դեռ վաղ է:
Լրագրողներից մեկի հարցն էլ այն մասին էր, որ ՕՐՕ դաշինքի առաջնորդ Սեյրան Օհանյանը հայտարարում է, թե Հայաստանում քաղբանտարկյալներ կան, Սերժ Սարգսյանն անպատասխան թողեց:
Հարցին, թե քվեաթերթիկը քվեատուփի մեջ գցելիս ի՞նչ մտածեց կամ ի՞նչ հիշեց՝ զինվորների՞ն, սահմա՞նը, նա պատասխանեց. «Մտածեցի, որ խաղաղությունից թանկ բան չկա, և ամեն ինչ անելու ենք, որպեսզի մեր սահմաններին հանդարտություն լինի, և այդ սահմանները լինեն անձեռնմխելի»:
Կարդացեք նաև
Մեկ այլ հարցի, թե ինչպե՞ս է գնահատում քարոզարշավը և կուսակցության շանսերը, Սերժ Սարգսյանը պատասխանեց՝ այսօր շանսերը գնահատելու ժամանակը չէ, այսօր քվեներ ստանալու ժամանակն է:
Նելլի ԳՐԻԳՈՐՅԱՆ
