Երիկամների անբավարարության հիվանդությամբ տառապող, դիալիզի կարիք ունեցող Իջեւանի տարածաշրջանի բնակիչները դիմել են մեզ՝ բարձրացնելով Իջեւանի բժշկական կենտրոնում դիալիզի միկրոբաժանմունք գործարկելու խնդիրը: Նման բաժանմունք գործում է Նոյեմբերյանի ԲԿ-ում, որը բավական ծախս է այդ բուժհիմնարկի համար:
Ծանր հիվանդությամբ տառապող իջեւանցի հիվանդների համար դժվարություն եւ ֆինանսական ծախս է այլ քաղաքների բժշկական հիմնարկներում պարբերաբար դիալիզի ենթարկվելը: Այդ խնդրի վերաբերյալ Տավուշի մարզպետարան գրավոր հարցում ենք ներկայացրել:
Մարզպետ Հովիկ Աբովյանը գրավոր պատասխանել է, որ ներկայումս Իջևանի բժշկական կենտրոնը համապատասխան ֆինանսական միջոցներ չունի հիվանդանոցում դիալիզի միկրոբաժանմունք բացելու համար, քանի որ դիալիզի միայն մեկ սարքի գինը կազմում է 15 հազար եվրոյին համարժեք դրամ:
Մարզպետը նաեւ հայտնել է, որ հիվանդներից ստացել են առաջարկներ, եւ դիալիզի բաժանմունք բացելու հարցը ներառվել է մարզի տարածքային զարգացման ռազմավարության ծրագրում, ինչպես նաև ներկայացվել է ՀՀ առողջապահության նախարարություն:
Կարդացեք նաև
Ոսկան ՍԱՐԳՍՅԱՆ
