«Մեկնաբանություններ եղան, թե Սերժ Սարգսյանը 2018թ.-ից հետո պատրաստվում է Պաշտպանության նախարար լինել, բայց իմ մոտը այլ տպավորություն է»,-«Տեսակետ» մամուլի ակումբում այսօր անդրադառնալով նախագահ Սերժ Սարգսյանի արցախյան այցի ժամանակ հնչած հայտարարությանը, ասաց քաղաքագետ Սերգեյ Մինասյանը: Հիշեցնենք, նախագահն ասել էր. «Ես հիմա չգիտեմ՝ ինչ քաղաքական կառուցվածք կլինի 2018-ին, բայց եթե իմ գլխավորած քաղաքական ուժը հաղթի գալիք ընտրություններում, ապա այդ պահի դասավորությունից ելնելով ինչ-որ կարգավիճակում իմ դերը կունենամ մեր ժողովրդի անվտանգության ապահովման հարցում»:
Սերգեյ Մինասյանը նշեց. «Կարծում եմ՝ մնալով իշխող կուսակցության կամ գուցե՝ կոալիցիայի ղեկավար, դրա հետ մեկտեղ՝ լծակներ պահպանելով ԱԺ-ում եւ կառավարությունում, հնարավոր է՝ նա ցանկանա ղեկավարել անվտանգության խորհուրդը՝ պահպանելով ՀՀԿ ղեկավարի լծակները»,-նշեց Սերգեյ Մինասյանը:
Նա ընդգծեց, որ այդ կանխատեսումն իր սեփական կարծիքն է, ոչ թե այլ՝ ներքին տեղեկատվություն:
Մանրամասն՝ տեսանյութում:
Կարդացեք նաև
Լուիզա ՍՈՒՔԻԱՍՅԱՆ
